Синоќа се одржа Angel Ball во Њујорк, каде што му се оддаде чест на Роберт Кардашијан, починатиот татко на Ким, Кортни, Клои и Роб. На балот, се појавија Кортни и Клои во долги свечени тоалети, заедно со нивната мајка Крис, која зборуваше и се расплака за време на говорот за нејзиниот поранешен сопруг.
На балот требаше да се појави и Ким, која реши во чест на татко ѝ да се појави во јавноста, по кражбата во Париз. Но, Каније и ги промени плановите.
Имено, тој повикал Брза помош, додека бил сместен во хотел во Лос Анџелес, поради нервен слом, но неговите претставници соопштуваат дека тоа е само „за негово здравје и безбедност“. Ким веднаш заминала за Лос Анџелес откако Каније и се јавил да и соопшти за неговата состојба.
Сепак, сомнежите се уште се тука, со оглед на тоа дека Каније ја откажа останатата турнеја, од која досега одржа 21 концерт.
- Тој е само изморен. Работеше напорно на модни дезени за неговата линија и за линијата на Adidas. Исто така, со оглед на она што го преживеа неговата сопруга, секој момент кога не беше до неа беше само дополнителен стрес. Фамилијата му е најважна, сподели еден негов близок пријател.