Лепа Брена можеби важи за една од најпознатите пејачки на Балканот, но и покрај тоа признава дека животот воопшто не и бил лесен, особено кога треба да се потсети на верската и национална омраза што ја почувствувала на сопствена кожа.
-Кога се венчавме со Боба, Лепа Брена беше избришана од овие простори. На никого не му бев потребна и на никого не му бев добра. Сите гулаби што ќе прелетаа се идентификуваа со вера и национализам, а јас бев на столбот на срамот, како најголема балканска ѕвезда, која имаше популарност како Тито. Сите сакаа да ме влечат низ калта, да ги бришат ѓоновите со мене, да ми го избришат името и сè што сум стекнала. Не бев добра во Србија, Босна, Хрватска, затоа што бев Југословенка. За мене Југославија претставуваше космополитизам, тоа беше држава на која и се поклонуваше цел свет, изјави Брена за Курир.
-Да можам да го вратам назад времето никогаш не би била Лепа Брена, признава таа и додава дека за секоја жена е напорно да биде сопруга и деловна жена.