Бракот помеѓу Ким Кардашијан и раперот Каније Вест стои на стаклени нозе откако Ким ја ограбија и нападнаа во Париз. Капак на сè беше нервниот слом на Каније, кој бил страшно депресивен и не сакал со никого да зборува. Сепак, сите тие случувања биле многу стресни за Ким, која се чувствувала како да е заробена во својот брак.
И додека Ким се размислува за развод, Каније е повторно во студиото каде што подготвува нови песни, бидејќи таму се чувствувал најрелаксирано. Чудно, како тоа не е случај и со неговите две деца, Норт и Сеинт. Тој веќе почнал сам да си живее во куќата во Лос Анџелес, додека пак Ким заедно со децата живее во куќата на мајка ѝ, каде што смета дека децата се задоволни. Не го гледале многу својот татко, но според Ким, најдобро е така.
Според магазинот USWeekly, Ким не планира во овој период да ги поднесе документите за развод, туку ќе почека Каније целосно да оздрави. Исто така, таа ќе се бори и за целосно старателство над децата.
- Таа се грижи за Каније и среќна е што ја добива негата која му е потребна. Но, се чувствува заробено веќе подолго време, стои во веста од американскиот магазин.
Но, нивните пријатели ги негираат овие гласини и сметаат дека тоа е смешно, бидејќи парот се труди да ги надмине овие потешкотии.
Останува да видиме дали и третиот брак на Ким ќе успее да опстане или и овој ќе пропадне како и претходните два брака. Четири години беше мажена со Дејмон Томас, а потоа и со Крис Хамфри, чиј брак им траеше само 72 дена! Ким и Каније се венчаа во Италија во 2014 година.