Кејт Мидлтон по повод фотографијата за нов фамилијарен портрет, ја стави омилената дијамантска тијара на Лејди Дијана. Ја надополни со црвена долга тоалета, што придонесе за вистинска свежина на фотографијата.
Заедно со нив позираа и Кралицата Елизабета II, Принцот Филип, Принцот Чарлс и неговата жена Камила. На портретот го немаше Принцот Хари.
Легендарната тијара е наследство од кралицата Мери, која и ја дала на сегашната кралица. Таа пак и ја подарила на Лејди Дијана во 1981 година, по повод нивната свадба, а потоа во 1996 година, истата беше вратена во кралското семејство откако Дијана и Чарлс се разведоа. Па на свадбата на Вилијам и Кејт, кралицата и ја врачи оваа тијара на Кејт.
Кејт ретко ја носи тијарата, но истата ја носеше и минатата година за дипломатските приеми во Бакингемската палата.