Актерот Кирк Даглас синоќа го прослави својот 100-ти роденден, на приватната свеченост на која присуствуваа околу 150 пријатели и членови на семејството.
На свеченоста беше присутна и неговата сопруга, 97-годишната Ен Бајденс, со која е во брак веќе 62 години, синот Мајкл Даглас со сопругата Кетрин Зита Џонс и седумте внучиња.
За оваа специјална пригода Мајкл Даглас одржа говор за својот татко, а Кирк се пошегува дека токму тој ја организирал роденденската забава бидејќи е синот со најмногу пари.
Славеникот доби торта со 12 свеќички на која беше изработена скулптура со неговиот лик.
