Ќерката на Мајкл Џексон, Парис (18), ја шокираше светската јавност во интервјуто дадено за Rolling Stone магазинот во кое тврди дека смртта на нејзиниот татко во суштина била планирано убиство.
Освен тоа таа откри и дека на 14 години била силувана од непознато лице, по што сакала да се самоубие.
-Тој велеше дека има луѓе кои се пратени да го средат. Во еден момент дури и рече: Ќе ме убијат еден ден. Очигледно е. Сè укажува на тоа. Звучи како теорија на заговор, но сите вистински обожаватели и сите во семејството го знаат тоа. Беше наместено, вели таа и додава дека верува во тоа дека докторот Конред Мареј е виновен за смртта на Мајкл Џексон, но и дека некој стоел зад него.
-Верувам во тоа, но сè наликува на партија шах. И сега се обидувам да ја играм истата. Тоа е сè што можам да ви кажам во моментот.
Парис изјави и дека била силувана од тотален странец кога имала само 14 години, по што неколку пати се обидела да си го одземе животот.
-Тоа беше омраза кон себе, мала самодоверба, мислев дека не можам ништо да направам правилно, мислев дека не вреди да живеам.
Во 2013-та година јавноста дозна за нејзините самоубиствени нагони, по што Парис заврши на рехабилитација.
-Сè беше лудо. Јас бев луда. Поминував низ многу нешта. Се справував со својата депресија и со анксиозноста без никаква помош, вели таа.
Сега повеќе не прима терапија и признава дека се чувствува далеку подобро. Единствениот порок и се ментол цигарите.