Актерот Хју Џекмен, ја искористи неговата слава со цел да ја покрене свеста за рак на кожата, со оглед на тоа дека тој шести пат се соочува со оваа болест.
- Уште еден карцином на клетките. Благодарение на редовните контроли и неверојатните доктори, сѐ е во најдобар ред. Изгледа полошо со овој завој, отколку без него. Користете крем за сончање, стои во описот на фотографијата која тој ја сподели на својот профил на Instagram.
Овој вид на рак се верува дека се добива како резултат на предолго изложување на ултравиолетови зраци од сонцето. Се работи за втор најчест случај на рак. Ако не се реагира на време, ракот може да се прошири и да биде смртоносен.
Хју најпрво се соочил со ракот во 2013 година, откако отишол да направи контрола на една бемка. Од тогаш тој ги советува сите да одат на контроли и да ги забележуваат промените на своето тело. Тој никогаш не користел крем за сончање, па со тоа станал „потенцијален кандидат“ за рак на кожата. Токму затоа ги советува сите да користат крема за сончање.