Откако ја објавија веста за разводот, Анџелина Џоли и Бред Пит се огласуваа во јавноста само преку заеднички соопштенија. Сега актерката го прекина молкот и јавно проговори околу тоа колку и е тешка целата ситуација.
Џоли, која деновиве е во Камбоџа заедно со 6-те деца, каде го промовира својот нов филм, во интервју за BBC накратко се осврна и на разводот со Пит.
-Не сакам да зборувам многу околу таа тема. Сакам само да кажам дека тоа се тешки моменти и дека ние сме семејство, секогаш ќе бидеме семејство, видно вознемирено прокоментира таа.
-Мојот фокус се моите деца, нашите деца. Ние сме и засекогаш ќе бидеме семејство и тоа е начинот на кој што се справувам со целата ситуација. Се справувам така што се обидувам да најдам начин како сето ова да нè направи посилни и поблиски, додаде Џоли.
Анџелина го искористи патување во Камбоџа за промовирање на филмот „First They Killed My Father“, приказна за војната низ очите на децата, раскажувајќи ја вистинската приказна за животот на Лун Ун, пријателка на Џоли, која ја преживеала војната во Камбоџа.
-Овој филм е мој начин да ѝ се заблагодарам на Камбоџа. Без Камбоџа јас можеби никогаш немаше да станам мајка. Дел од моето срце е и секогаш ќе биде во оваа земја. И дел од оваа земја е секогаш со мене.