Актерот Том Хенкс наредната есен ќе објави збирка со кратки раскази со наслов „Необичен тип: Некои приказни“. За пишувањето на својата прва книга, оскаровецот искористил некои од своите 100 стари напишани приказни, кои со години ги собирал.
Меѓу 17-те приказни колку што ќе бидат напишани во книгата, една зборува за имигрант кој стигнува во Њујорк, друга за обичен човек кој станува славна личност, трета за ексцентричен милијардер. Хенкс соопштил дека на овие приказни почнал да работи уште во 2015 година.
- Пишував во хотелите за време на турнејата. Пишував на одмор. Пишував во авионите, дома и во канцеларијата, изјавил актерот.