Златните статуетки се подготвени и ги чекаат своите сопственици. За жал сите номинирани актери нема да добијат награда, па ќе мора да се утешат со подароците кои ќе ги добијат зад сцената.
Вкупно 25 луѓе ги добиваат овие награди, односно номинираните за најдобар актер, најдобра актерка, најдобри споредни актери и најдобри режисери.
Оваа година актерите ќе добијат спа третман во ресортот Golden Door, кој ќе трае цела недела, одмор со три ноќевања во хотелите Grand Hotel Excelsior Vittoria и Grand Tremezzo на езерото Комо. Во овие хотели готви еден од најпознатите готвачи во светот, Луиџи Трамонтано, кој е добитник на Мишелин ѕвезда. Освен овој одмор, организирано е и три-дневно приватно користење на вилата Lost Coast во северна Калифорнија. Организаторот ќе доделува и скапоцени поклони, 10-годишни користења на некои козметички линии, електронски цигари, персонализирани боички Grayons…
Сите актери пред самиот почеток на Оскарите имаат организирано масажа, на специјални крпи, кои што го намалуваат целулитот. Но, за да не се грижат за тоа дали ќе им мириса потта, бидејќи станува збор за долга манифестација, во торбичките со подароци има и лепенки кои што се лепат под пазуви и го спречуваат мирисот од пот. Сè на сè, тие ќе добијат подароци во вредност од 100.000 долари.