Додека Тито беше на функција, честопати се слушаа различни муабети за неговиот брак со Јованка. Сепак, многу малку луѓе знаат што точно се случувало зад затворени врати. Како и секоја приказна, така и оваа има две страни од кои онаа на Јованка е идеална, а онаа на Тито.. не баш.
- Јас имав огромно внимание од негова страна, голема љубов. Не можам да се пожалам од однесувањето на Тито кон мене, во последните денови. Беше многу коректен. Многу ме сакаше, искрено.. Знаеше да биде многу внимателен. На пример, знаеше да донеси или да подготви нешто. Многупати имам кажано дека над 20 години, секое утро тој правеше кафе за мене и за него. Имавме слуги и келнери. Но не, тој ќе го направи кафето и ќе ми го донесе. Наутро јас спиев повеќе од него и тој секој ден го правеше тоа. Рано стануваше, зимаше весник, ќе ставеше кафето да се свари и ќе ми го донесеше. Дваесет години го правеше тоа за мене, изјавила Јованка на познатата белградска новинарка Мири Адањи Полак.
Од документите кои ги составувала посебна комисија во тогашна Југославија, а кои можеле да ги видат само одредени луѓе, очигледно било дека Јованка Броз била елементарна непогода за повеќето соработници на Тито, а често и за него самиот. Таа се однесувала како кралица, ја наметнувала својата волја во сите можни ситуации и според многумина била дури и злобна, а можеби и клинички параноична.
Според мислењето на Никола Љубичича, поранешен министер за одбрана, Тито не бил некој си херој во очите на Јованка.
- При една прилика кога си дошол дома, Јованка многу му викала и го навредувала. Тогаш се скараа за патувањето во Кина, за кое што Јованка поставила неверојатни услови. Сепак, во 1978 година, Тито тогаш реши сам да оди, но и донесе подарок. Јованка буквално му го фрли подарокот на претседателот, кој тогаш веднаш донесе одлука за развод.
За тоа тогаш претпоставувала цела Југославија, но вистинските причини ги знаеја само ретки луѓе. Никола тврди дека Јованка му вршела неверојатен притисок на Тито, кога се работело за кадрите. Исто така, тој истакнал дека во неколку наврати Јованка често одела во неговата спална соба и го малтретирала, вршејќи му притисок за кадровските промени и други прашања поврзани со раководењето, па многу пати знаел да се заклучи во купатилото и таму да го дочека утрото.