ТВ водителката на Канал 5, Јелена Спенџарска минатата недела заработи суспензија поради своето непрофесионално однесување, кога направи несоодветен коментар по јавувањето на еден гледач.
САКАМ ДА БИДЕТЕ КОРЕКТНИ ПРЕМА СИТЕ ГЛЕДАЧИ.. И МЕ ИРИТИРАТЕ СО ПОНАШАЊЕТО ВАШЕ...
Posted by Gledy on Monday, April 10, 2017
Многумина остро ја осудија постапката, а социјалните мрежи со денови беа преполни со негативни коментари поврзани со инцидентот.
По неколку дена молчење, Спенџарска се огласи на својот FB профил.
-Како и во секоја професија,така и во мојата, си станал на лева нога, си имал лош ден, ти прекипало нешто од претходниот ден, некој/нешто те изнервирало - сите си имаме свои жолти минути и нема тука многу што да дискутираме дека сите секогаш сме супер фини и максимално љубезни дали на работа или општо во животот. На секој може да му се случи, секој грешел и секој ќе греши, крај краева грешките кои ги правиме и лекциите кои ги учиме од нив не прават многу поискусни во животот.Не сакам да се одбранам, и денеска цврсто стојам зад се што имам кажано, веќе бидна и враќање назад нема. Само не можам да разберам како вие од едно видео на интернет сфативте дека јас сум најлошата личност на светот и треба сега да ме обесите на плоштад? Зошто никој не праша ЗОШТО јас така изреагирав?, вели таа.