Можеби Џулија Робертс оваа година ќе наполни 50 години, но тоа воопшто не ја спречува да му покаже на светот дека навистина е најубавата жена за 2017 година! Имено, поминаа точно 26 години, откако оваа актерка ги красеше насловните страни на познатиот магазин People, кога беше прогласена за најубава жена. Таа и денес е нашата омилена убавица!
Од почетоците на нејзината кариера, па се до денес, Џулија пет пати е прогласувана за најубава жена. Тоа е толку многу што ни самата не може да си поверува.
Во интервју за People, Џулија се отвори за нејзиниот среќен 14-годишен брак со Дени Модер, нејзиниот живот со децата Хејзел и Финус, близнаци на 12-годишна возраст и 9-годишниот Хенри, но и ги откри тајните за нејзината убавина. Исто така, се наврати и на времето кога стана позната благодарение на филмот „Pretty Woman“.
- Луѓето постојано ми велат дека кога излегол филмот „Pretty Woman“ сигурно ми се сменил животот, но всушност кога беше премиерата на филмот, јас не ни бев во тој град. Бев на снимање во еден друг помал град. Се сеќавам дека прочитав во некој весник „Викендов беше објавен „Pretty Woman“ и заработи многу пари“ и првата мисла ми беше дека тоа се многу пари, а јас не бев свесна колку многу се всушност тие пари, изјавила Џулија.
Иако глуми во прекрасни филмови, таа вели дека всушност таа ја живее својата бајка.
- Секогаш кога мојот маж влегува дома, јас сум пресреќна и мислам дека живеам во сон.