Бела Хадид и Абел (The Weeknd) беа во врска една и пол година, откако се разделија изминатава есен. Тој успешно си продолжи со врските, па сега е во врска со Селена Гомез. На Met Gala минатата недела тие делуваа мошне заљубено и не можеа да ги одвојат рацете еден од друг. Секако, не е никогаш лесно да го гледаш поранешниот партнер со друга љубов, особено не со блиска другарка на твојата сестра.
Сепак, Бела одлично се носи со целата фама околу нивната љубов. Во интервју за магазинот Grazia, таа призна дека не се брза да влезе во нова врска.
- Како конечно да стигнав до точка каде што размислувам за тоа што сакам да правам и на кои места сакам да патувам. Сакам да сум независна и повеќе да се грижам за себе, отколку за некој друг, изјави Бела.