Иако поминаа речиси 20 години од смртта на принцезата Дајана, нејзиниот живот се уште е интересен за медиумите.
Имено, направен е нов документарен филм за поранешната принцеза, „Последните 100 денови на Дајана“, чиј автор е британскиот новинар Мартин Башир, кој открива нови и непознати детали.
Хасан Кан бил единствената љубов на Дајана, кој бил хирург од Пакистан, но работел во Лондон. Се запознале во болница во која се лекувала нејзина пријателка. Се заљубиле еден во друг, но Кан не бил сигурен дека нивната врска има иднина поради културните разлики и медиумското внимание која врската би го предизвикала. Едноставно не бил подготвен на тоа.
За време на службената истрага за смртта на Дајана, Кан кажал дека таа ја криела врската со Доди ал Фаед од него и дека ноќта кога починала, постојано и ѕвонел на телефон, но не можел да ја добие. Доди го запознала на летување во Сен Тропе, заедно со нејзините синови Вилијам и Хери.
Ги мразела медиумите, но знаела да ги сврти во нејзина корист. Често се лутела поради изјавите и интервјуата кои нејзините пријатели и членови на фамилијата ги давале на новинарите. Портпаролот на британското семејство Дики Арбајтер кажал дека Дајана се чувствувала „прогонувано“. Сепак, токму преку медиумите таа му праќала порака на Чарлс, што се однесува до неговото однесување.
Имала тежок однос со својата мајка Френсис Шанд-Кид. Мајка ѝ два пати се мажела, па на Дајана ѝ било важно да функционира нејзиниот брак со Чарлс. Откако се развела, мајка ѝ се противела на нејзините нови врски, особено кога биле во прашање мажи од муслиманска вероисповед, па напнатоста помеѓу нив постојано растела.