Пред еден месец се одржа судско рочиште од кое Милан Поповиќ излезе насмеан, додека пак Северина не се појави во загрепскиот Основен граѓански суд, бидејќи е на турнеја во Америка. Подоцна таа дознала дека судијката донела привремена мерка според која нивниот син Александар една недела од јули и една недела во август ќе живее со неа, а останатите денови со Милан.
Според одлуката на судот, Северина 200 дена годишно не смее да го виде својот син, а во времето додека е со татко му може да му се јави преку телефон еднаш на ден и тоа во 20 часот. Ако се јави во 20:03 минути, нема да разговара со него.
Нејзиниот адвокат поднел жалба за оваа одлука, со што се надева дека до средината на јули ќе се отфрли таа привремена мерка. За сега, детето една недела живее со мајка му една со татко му.
- Не е вистина дека Северина го изгуби старателството, како што се тврди тоа по српските таблоиди. Вистината е дека е донесена мерка која е над сите законски прописи и која не би ја коментирал, изјави менаџерот на пејачката.
И таткото на Александар, Милан, не сакал да коментира во врска со одлуката на судот. Имено, тој до сега се залагаше за рамноправно родителско старателство, бидејќи смета дека тоа е потребно за здрав и сигурен раст на едно дете. Милан и плаќа на Северина месечна алиментација од 3500 куна.