Бијонсе и Џеј Зи по втор пат станаа родители на близнаци на почетокот на оваа недела. Цела недела читавме разни гласини по странските магазини дека таа се пораѓала, но сепак никој ништо немаше потврдено, па информацијата како да лебдеше во воздух.
Овој пат, неколку извори блиски до парот ја потврдија информацијата.
- Беј и Џеј се радосни и веќе почнаа да ги споделуваат прекрасните вести со нивните фамилии и блиски пријатели, изјавил извор близок до парот.
Џеј Зи одложил неколку настани оваа недела, а сестрите на Бијонсе биле забележани во болница во Лос Анџелес. Се верува дека донела на свет момче и девојче, со оглед на тоа дека во болницата пристигнале балони во сина и розева боја, со цвеќиња и картичка за Беј и Џеј.
Парот стапи во брак во 2008 година, по пет годишна врска, а по пет години за прв пат станаа родители на пет годишната Блу Ајви.