Американскиот рапер Крис Браун снимаше документарец во кој објасни зошто ја истепа тогашната девојка, 29-годишната Ријана.
- Ја изневерив со нејзина соработничка. Ријана се сомневаше и ме испитуваше, но јас ништо не признавав. Таа вечер токму таа ни пријде на забавата по повод Grammy наградите. Ријана полуде, си ги зема работите и испадна од салата, изјавил Крис, а потоа додал дека пејачката почнала да вика и во автомобилот.
Му го барала мобилниот за види со кого се допишува. Во пораките нашла порака од таа девојка, која му напишала дека и таа ќе биде на Grammy наградите таа вечер.
- Многу се налути. Се туркавме, а таа ме удри, па јас ја гризнав за раката. И така започна се, изјавил раперот.
Крис беше осуден на шест месеци социјално корисна работа, а доби и пет години условна казна и забрана за приближување до Ријана на помалку од 50 метри.