Од Бакингемската палата известуваат дека 96-годишниот принц Филип превентивно е однесен во болницата King Edward VII во Лондон.
Војводата од Единбург сепак бил во добра здравствена состојба, но не можел да ја придржува кралицата Елизабета II на традиционалната свеченост на отворањето на парламентот.
На свеченоста, кралицата ќе одржи говор, а наместо Филип, ќе ја придружува Чарлс, принцот од Велс. Кралската фамилија уште пред еден месец објави дека принцот Филип ќе престане да ги исполнува јавните должности.
- Војводата веќе нема да оди на посети, но со тек на време ќе избира самиот на која ќе се појавува, стои во соопштението.
Принцот Филип повеќе пати оваа година беше хоспитализиран. Пати од болки во градниот кош, поради запушување на коронарната артерија. Пред шест години му е вграден стент преку кој е спречен срцев удар. Од палатата тогаш изјавија дека тој оди на „превентивно лекување“.