Ештон Качер е во брак со Мила Кунис веќе две години и имаат две деца. Сепак, нивната бајка не започнала како љубовна врска, туку како што изјави Ештон, се започнало како во филмот „No Strings Attached“.
Најпрво тие двајца се запознале на снимањето на „That 70s Show“, уште кога биле тинејџери. Иако во шоуто беа момче и девојка, тие воопшто не се гледале. Тој подоцна стапи во брак со Деми Мур, а Мила беше во врска со Меколи Калкин.
Сепак, во 2012 година, кога и двајцата немале партнери, налетале еден на друг на една забава и од тогаш почнале да се гледаат само за секс.
- Знаеше дека не сум подготвен за врска, а и јас го знаев тоа. Беше смешно бидејќи јас само што завршив со снимањето на филмот „No Strings Attached“, а таа го снимаше филмот „Friends With Benefits“, па изгледаше како буквално да сме во некој од тие два филмови, објаснил Ештон.
Сепак, чувствата почнале и кај двајцата да се појавуваат истовремено. По некое време решиле да го официјализираат нивниот однос и беа во врска, а по две години се свршија и сега се среќни еден со друг.