Холивудскиот актер Џони Деп доби лавина критики за својата шега поврзана со претседателот Доналд Трамп. Актерот, познат по своите досетливи и најчесто сосема невини шеги, овој пат беше искритикуван зошто сурово се пошегувал на сметка на Трамп.
Зборувајќи пред публиката на еден уметнички фестивал во Англија, Деп праша дали некој може да го донесе Трамп пред него. По ова луѓето започнаа да викаат и да го исвиркуваат, но тој продолжи со својата замисла.
-Вие погрешно ме разбравте. Кога последен пат актер уби претседател? Сакам да појаснам: Јас не сум актер. Јас лажам за да преживеам. Сепак, помина многу време и можеби сега е вистинскиот момент, рече Деп мислејќи на атентатот врз Абрахам Линколн, што беше извршен од актер.
Ова ги разгневи симпатизерите на Трамп, па некои од нив започнаа да споделуваат на социјалните мрежи дека Џони навистина планира да го убие Трамп.