По разделбата од Бред Пит, Анџелина Џоли целосно им се посвети на децата и на својата хуманитарна работа.
Магазинот Vanity Fair ја имаше ексклузивната можност да разговара со Џоли околу разводот, а воедно и да и направи прекрасна фотосесија.
Во интервјуто Џоли открива дека нејзината врска со Пит станала проблематична минатото лето, за време на постпродукцијата на нејзиниот филм „First They Killed My Father“.
-Нашиот животен стил не беше негативен. Тоа не беше проблемот. Тоа ќе биде една од најубавите можности кои можеме да им ги дадеме на нашите деца...Тие се 6 силни и внимателни индивидуи, вели Џоли.
-Многу се гордеам со нив. Тие беа многу храбри во моментите кога требаше да бидат. Сите се лекуваме од случките кои доведоа до разводот...Тие не закрепнуваат од разводот. Тие закрепнуваат од некои...Од животот, од работите во животот.
Актерката вели дека жените во семејствата понекогаш се ставаат себе си на последно место, сè додека тоа не се манифестира на нивното здравје.
Оскаровката отворено зборуваше за своето кревко здравје по разводот, велејќи дека во еден период страдала од Белова парализа, состојба што предизвикува делумна парализа на лицето. Благодарение на третманите со акупунктура успеала да се справи со проблемот.
Во изминатите години Анџелина направи двојна мастектомија на градите и ги отстрани јајниците откако тестовите покажаа дека постои голем ризик да се разболи од рак. Сето тоа се одрази и на нејзината тежина, па многу пати во јавноста кружеа гласини и дека е анорексична.
-Јас секогаш бев загрижена за мојата мајка додека растев. Не сакам моите деца да се грижат за мене. Мислам дека е важно да плачеш под тушот, наместо пред нив. Тие треба да знаат дека сè ќе биде во ред дури и кога ти не си сигурна во тоа.
