Ирската пејачка, 50-годишната Шинед О’Конор објави 12-минутно видео во кое признава дека има самоубиствени намери и дека живее сама во мотел во Њу Џерси. Во видеото преку солзи таа признава дека секој ден се бори да остане жива.
- Немам никого во животот, освен мојот доктор, психијатарот – најслаткиот човек на земјата, кој вели дека јас сум неговиот херој.. Тоа е единственото нешто што ме одржува жива во моментот.. знам дека е патетично. Сакам сите да знаат какво е ова чувство, затоа го снимам ова видео. Менталната болест е како дрога. Не се грижи за тоа кој си, а во тој период сите луѓе кои треба да те сакаат и да се грижат за тебе се однесуваат кон тебе како да си ѓубре, вели Шинед.
Таа ја спореди болеста како да се бори со милиони луѓе наеднаш, целосно сама. Изјави дека две години живее сама, одделена од сите како тоа да и е некој вид на казна.
Откако обожавателите на Шинед го видоа ова запрепастувачко видео, се загрижија за неа. Многумина од нив упатија апел и до нејзините четири деца да одат, да ја посетат, да и простат за сѐ што се случило во минатото и да ја прегрнат.