Мегапопуларната Тејлор Свифт деновиве можеби ретко се појавува во јавноста, но затоа се влечка по судови поради една непријатна ситуација што и се случи пред неколку години, кога диџејот Дејвид Мјулер, ја грабна за задникот.
Мјулер во 2013-та ја тужеше Свифт дека ја исфабрикувала целата приказна и дека фотографијата на која што тој наводно ја фатил за задникот, во суштина не е ништо повеќе од фотка со лош агол.
Мајката на Тејлор, Андреа (59) низ солзи го даде своето сведочење пред судот во кое вели дека ќерка била мошне повредена од целиот инцидент.
-Влегов во гардеробата и и го видов лицето. Нешто не беше во ред. Ми рече: Мамо, човекот само што ме грабна за задникот, раскажува Андреа и додава дека била мошне вознемирена откако разбрала за целата ситуација.
-Мислев дека ќе повратам и ќе започнам да плачам во исто време. Емоциите ме понесоа, но се трудев да бидам внимателна кон својата ќерка и да не дозволам да ме обземе гнев, рече таа.
Семејството на Свифт подолго време сакаше да го држи инцидентот во тајност, со цел Тејлор да не биде дополнително трауматизирана. Сепак, со започнувањето на судскиот процес, медиумското внимание сакала или не повторно е свртено кон неа.