Италијанскиот милионер и плејбој, Џанлука Ваки, ужива да се фали со својот луксузен стил на живот, кој опфаќа скапи автомобили, супер луксузни јахти и се разбира екстра згодни девојки.
Впрочем сите оние кои го следат неговиот профил на Instagram знаат дека Италијанецот секојдневно постира фотки и видеа на кои прави нешто на кое многумина би му подзавиделе.
Последниот „трофеј“ во колекцијата е новата девојка, 23-годишната мисица, Ариадна Гутиерез, со која се разлика „само“ 27 години.
Ништо чудно, со оглед на тоа дека сите девојки на Ваки, досега беа двојно помлади. Сепак, дали новата љубов ќе остане покрај него и по финансиската криза во која што деновиве западна?
Џанлука ја загуби својата скапоцена јахта и неколку од своите имоти, кои му беа одземени од доверителите.
Оние на кои веќе им е прекуглава од неговото фалење на Instragram веднаш се пошегуваа на негова сметка, па го монтираа на педалинка.
И покрај финансиските проблеми, Ваки и понатаму се расфрла со пари и оди по ВИП клубови низ Сент Тропе.
На крајот на краиштата што е загуба од неколку милиони...
