Пејачката Тејлор Свифт го доби судскиот спор против диџејот Дејвид Мјулер, кој во 2013-та ја фати за задникот.
Сепак, наместо голема милионска оштета адвокатскиот тим на Свифт реши да побара казна од симболичен 1 долар.
-Нашиот клиент нема намера да го банкротира овој човек. Тој еден долар е од непроценлива вредност. Значи дека НЕ значи НЕ и дека секоја жена одредува што ќе толерира на своето тело, велат адвокатите на Свифт.
Таа пак се обрати на јавноста преку соопштението објавено во People магазинот.
-Свесна сум за привилегијата која ја имам во животот и во општеството како и на мојата способност да се бранам себе си во еден ваков судски спор. Сепак, се надевам дека ќе им помогнам и на другите чии гласови треба да се слушнат. Затоа во блиска иднина ќе направам донации на неколку организации кои им помагаат на жртвите на сексуално насилство да се заштитат себе си, вели Тејлор.