Бриџит Макрон при едно интервју за францускиот магазин Elle конечно реши искрено да позборува за врската со претседателот Емануел Макрон. Првата дама на Франција открила дека одлучила сопствената среќа да ја стави на прво место, кога ја започнала врската со Емануел. Познато е дека тие се запознале додека тој бил средно училиште, а таа професорка.
Врската ја започнале кога 18-годишниот Емануел глумел во драмска претстава, која ја водела Бриџит во едно приватно училиште на северниот дел на земјата. Иако последната година од школувањето го продолжил во Париз, нивната врска сепак издржала.
- Постојат моменти во вашиот живот кога треба да донесете многу важни одлуки. За мене, токму тогаш беше тој момент. Кога читам за нас, секогаш имам чувство дека ја читам приказната на некој друг. Нашата приказна е многу поедноставна. Ние појадуваме заедно – јас со своите брчки, а тој со својата младост, отворено изјавила 64-годишната Бриџит.
Таа игра огромна улога во животот на 39-годишниот француски претседател. Емануел и Бриџит се венчале во 2007 година.
- Да не го направев тоа тогаш, би го пропуштила својот живот. Поминав многу среќни моменти со своите деца, но истовремено почувствував дека треба да ја доживеам и љубовта за целосно да сум среќна, додала Бриџит.