Вистинско другарство, сепак постои. Доказ за тоа е веста која популарната пејачка Селена Гомез ја сподели со јавноста на својот Instagram профил.
Имено во постот кој таа го објави ја објаснува причината поради која изминатиот период не промовираше нова музика.
-Како резултат на мојата болест Лупус дознав дека имам потреба од трансплатација на бубрег и потребно ми беше добро да се опоравам.
Сакам јавно да им се заблагодарам на моето семејство, како и неверојатниот тим на доктори за сè што направија за мене пред и по операцијата. И конечно, нема зборови со кои можам да ја опишам мојата благодарност кон мојата прекрасна пријателка Франција Раиса. Таа ми даде скапоцен подарок и се жртвуваше со тоа што го донираше нејзиниот бубрег за мене, напиша познатата пејачка на својот Instagram профил
Франција, која инаку и е најблиска пријателка на младата поп пејачка е една од личностите кои беа до Селена и ја охрабруваа во борбата со болеста.
Во една прилика таа има изјавено дека многу и значи секој спомен кој го изградиле со Селена во текот на нивната осумгодишна дружба и е благодарна што токму таа е дел од нејзиниот живот.