Кејт Мидлтон се појави и втор пат во јавноста по објавата за нејзината трета бременост.
Овој пат војвотката од Кембриџ блескаше облечена во нежно розов фустан со цветен дезен кој е креација на модниот бренд Orla Kiely. Под него дискретно се наѕираше трудничкото стомаче, а ја покажа и својата променета фризура за средба со еден од симболите на Велика Британија.
Во придружба на нејзиниот сопруг принцот Вилијам и неговиот брат принцот Хари се појави како знак на поддршка на децата кои беа собрани од многу хуманитарни здруженија на станицата Падингтон во Лондон.
На настанот присуствуваше и филмската екипа на "Padington 2", продолжение на истоимениот филм во кој главна улога има мечето Падингтон, кое стана дел од британската култура, а воедно и заштитен знак на Велика Британија.
Триесет и пет годишната војвотка понесена од веселото расположение не одолеа на шармот на славното мече на Велика Британија, па реши и да заигра со него не симнувајќи ја насмевката од своето лице.
Кејт Мидлтон за своето прво појавување во јавноста одбра син фустан, но овој пат се одлучи за розовата боја заскокоткувајќи ја јавноста со прашањето дали полот на идниот член на кралското семејство е машки или пак женски.