Секс скандалот со холивудскиот продуцент, Харви Вајнстин, добива сè поголеми размери, откако се повеќе жени започнаа да го обвинуваат за сексуално малтретирање и силување.
Последната на листата е актерката Натасија Малте, изјави дека била силувана од Вајнстин во Сансерсон хотелот веднаш по доделувањето на БАФТА наградите во 2008-ма.
За време на прес конференцијата одржана за медиумите Малте рече дека продуцентот влетал во нејзината соба и ја присилил на секс без кондом.
По инцидентот и било доставено сценариото за филмот „Nine“, но се откажала од проектот откако Вајнстин ја поканил на секс во тројка со неговата асистентка.
-Многу се колебав дали да дојдам денес. Сето ова ме плаши на некој начин. Сепак, моите најблиски пријатели ме подржаа да го направам ова. Освен тоа ова го правам за своето 3 –годишно момче, за да знае како да ги почитува и третира жените, за сите млади девојки кои никогаш не треба да поминат низ тоа што поминав јас и за сите жени пред и после мое кои се обиделе да успеат во Холивуд, рече 43-годишната Малте.
Со ова таа стана 9-та личност која го обвини Вајнстин за силување. Интересно е што однесувањето на продуцентот со години важело за јавна тајна, која поради неговата репутација на „Бог“ во филмскиот свет упорно била премолчувана.
Актерките кои сакале да добијат улога требале да го жртвуваат своето достоинство, а оние кои биле сексуално нападнати морале да молчат за да не бидат фатени на пик и со тоа да си ја уништат кариерата.