Еден од најпознатите актери на Холивуд, а воедно и миленик на многу генерации, Кевин Спејси, по години исполнети со шпекулации, јавно откри дека е геј.
Признанието за хомосексуалната ориентација дојде по обвинувањата од актерот Ентони Рап, кој изјави дека Спејси се обидел да го заведе кога имал 14 години. Во 1986-та, Кевин го повикал младиот Рап на забава во својот апартман. Откако останале сами пијаниот Спејси го дигнал во раце, за потоа да легне врз него. Рап сфатил што се случува, по што заминал од собата. Актерот вели дека дури сега решил да проговори за инцидентот поради случајот со Харви Вајнстин, кој беше обвинет дека со години сексуално малтретирал и силувал жени.
По ова обвинување ѕвездата на „House of Cards“, 58, проговори за својата сексуална определба на Twitter, а воедно и му се извини на Ентони Рап за своето однесување.
Тој рече дека иако не се сеќава на настанот, кој што се случил пред повеќе од 30 години, искрено се извинува за својата постапка која ја направил во пијана состојба. Кон тоа додаде дека инцидентот го поттикнал да зборува за својата сексуална определба и конечно да признае дека покрај со жени, имал секс и со мажи.
-Оние кои ми се најблиски знаат дека во текот на својот живот сум имал врски како со жени, така и со мажи. Сум сакал и сум имал романтични врски со мажи и избирам да живеам како геј маж, вели Спејси.
Неговиот приватен живот со години беше предмет на шпекулации поради тоа што вешто го криеше од јавноста.