Познатата пејачка и актерка, Селена Гомез годинава се соочи со ретката болест Лупус, а како резултат на неа имаше потреба од трансплатација на бубрег.
Сепак, тоа не ја спречи да продолжи со работата, а магазинот Billboard ја награди со титулата „Жена на годината“.
-Ретко е да се најде некој кој ги користи своите искушенија и страдања за да направи другите да се чувствуваат посилни, рече Ел Фанинг најавувајќи ја Гомез на церемонијата.
Наградата и ја додели нејзината најдобра другарка Франсиа Раиса која воедно го донираше својот бубрег за Селена.
-Кога дознав дека можам да бидам донатор за Селена, не размислував два пати за тоа, изјави таа.
По прифаќањето на наградата, 25-годишната пејачка со солзи во очите истакна дека Франсиа Раиса треба да ја добие таа награда, бидејќи таа и го спасила животот.