Што бараше, тоа и доби.
Свршувачката помеѓу принцот Хари и Меган Маркл преку ноќ стана една од главните теми во светските медиуми. И додека сите зборуваат за деталите од нивната врска и венчавката што треба да се случи следната година, пријателите на принцот велат дека тој го добил, токму она што го посакал.
По неколкуте неуспешни врски, Хари едноставно сфатил дека доколку се ожени, тоа мора да биде жена која ќе знае како да се справи со притисокот јавноста и постојаната потреба на медиумите да го следат секој чекор на кралското семејство.
-Сосема е логично што заврши жена од шоу бизнис. Се чувствува релаксирано покрај некој кој веќе се помирил со славата, на начин на кој ниту една негова девојка не го направила тоа, вели близок извор до принцот.
Меган Маркл, по професија е актерка, па појавувањата во јавноста со Хари и постојаното фотографирање од папараците, го доживува сосема нормално. Претходните девојки на принцот воопшто не можеа да влезат во „калапот“ што резултираше со раскинување на врските.