Адриана Лима донесе голема одлука која би можела да има влијание и на нејзината кариера.
Моделот на Victoria’s Secret на својот Instagram профил напиша дека повеќе нема да ја соблече облеката од себе доколку нема вистинска причина за тоа.
-Добив прилика да снимам секси видео кое ќе биде поставено на социјалните мрежи. Иако веќе имам направено повеќе од истиот тип, нешто се промени во мене кога една пријателка ми рече дека не е задоволна од сопственото тело, што ме натера да размислам...Дека секој ден од мојот живот, јас станувам и размислувам... Како изгледам? Ќе бидам ли прифатена во мојата работа? И во тој момент сфатив дека поголемиот дел од жените најверојатно се будат секое утро обидувајќи се да се вклопат според стереотипите кои се наметнати од општеството, социјалните медиуми, модата и.т.н. Помислив дека тоа не е начин на живеење, а не е ни ментално ни физички здраво, па одлучив да ја направам таа промена. Повеќе нема да ја соблекувам својата облека поради погрешени причини, беше пораката која Лима ја сподели со јавноста.
Изгледа дека моделот повеќе не ги почитува ни ангелите на Victoria’s Secret, а со оглед на тоа дека повеќе не го следи познатиот бренд од својот профил, можеби навестува и дека ќе се раздели од него.