Меган Маркл ќе го помине овој Божиќ со кралското семејство, потврдија од Кенгсингтон палатата. Со ова актерката повторно ќе ги прекрши кралските протоколи.
Вообичаено, верениците не се поканети да ги поминуваат празниците со членовите на кралското семејство. Пример за тоа е Кејт Мидлтон која иако беше верена за принцот Вилијам еден месец пред празниците, сепак нив ги помина во Беркшир со нејзиното семејство.
Принцот Хари, кој веридбата со Меган Маркл ја објави на 27 ноември, годинава ја прашал кралицата Елизабета за дозвола да направи посебен исклучок од ова правило за неговата идна жена.
-Ако Хари ја праша за нешто, кралицата би рекла да бидејќи таа го обожава, тврди пријател близок до кралското семејство.
Ова не е прв пат кралскиот пар да оди спротивно од кралските протоколи.