Конечно е откриена дилемата дали помеѓу познатата ѕвезда од серијалот „Педесет нијанси“ Дакота Џонсон и пејачот од Coldplay, Крис Мартин има нешто или пак тоа се само обични шпекуалции.
Имено во јавноста протекоа заеднички слики од нив на кои се фотографирани како вечерта ја поминуваат во екслузивниот клуб Soho House во Мајами.
На сликите може да се забележи актерката облечена во широки црни панталони врз кои носи џемпер на дизајнерката Isabel Marant Étoile и долгнавест црн капут, додека Крис носи џемпер над кој има врзан суптилно сив шал.
Ова е прв пат двајцата заедно да бидат фотографирани, а шпекулациите за нивната романса се појавија во октомври, 2017 година.
Во ноември 2017 година, Џонсон беше забележана како присуствува на концертот на Coldplay, а минатиот месец двајцата беа видени како пристигнуваат во слично време во Париз што дополнително допринесе за зголемување на љубопитноста на јавноста.
Според People магазинот, парот пристигнал со автомобилот на Крис, па потоа се сретнале со своите пријатели и се забавувале. Тие изгледале доста среќно, флертувале меѓусебно и заедно го напуштиле ресторанот.