Жената која го живее својот живот онака како што таа посакува. Жената која е причина за трансформација на милиони луѓе ширум светот. Жената која го искористи и посвети животот за да ги просветли животите на другите.
Во прилог прочитајте ги работите што Опра ги направи и поради кои ги промени животите на милиони луѓе на оваа планета.
1. „Аха момент“
Омилената фраза на Опра е „аха моментот“ кој всушност претставува на еден начин светлина во нашите животи. „Аха моментот е оној момент кога доаѓаме до заклучок дека погрешно сме го живееле животот и пристапуваме кон правилниот начин на живеење. Многу гости од сите 4500 емисии беа посветени на тоа што побрзо да дојдат до „аха моментот“ во нивните животи.
2. Теми поврзани со тежината
Самата по себе Опра е инспиративна личност која доколку гледате неколку емисии од нејзиното ток шоу ќе се мотивирате онолку колку што е потребно за да започнете да обрнувате внимание на своето здравје. Самата Опра докажа дека може да го промените телото и да ги има посакуваните килограми. Се што е потребно е желба, мотивација и цел.
3. Читање
Опра драстично го зголеми бројот на луѓе кои читаат книги во Америка, па и во целиот свет. Винфри го оформи својот „читателски клуб“ каде се предлага книга која треба да се прочита и на сеансите во клубот се раскажуваат мислења околу книгата. Речиси во секоја емисија беа давани предлози за добри книги кои треба да се стават на листата „must read“
4. Табу теми
Теми како што се насилството, зависноста од пороци како и невеверството, пред шоуто на Опра многу ретко беа споменувани на телевизиските екрани. Уште помалку дискутирани во јавност. Опра беше жената која веруваше дека доколку проблемот биде искажан јавно може полесно да се реши. Многу од гостите беа поранешни зависници оддрога, луѓе кои извршиле насилство врз жени, прељуба итн. Опра им помогна да продолжат со животот и покрај товари кои ги носат со себе.