Ретко кога познатите личности одлучуваат јавно да зборуваат за своето ментално здравје. Сепак, има и такви кои храбро се соочиле со проблемите и не ги гледаат како мана и препрека во својата кариера.
Еве дел од нив:
Кендал Џенер
Кендал Џенер во интервју со Кара Делевињ раскажа за анксиозноста која ја измачува.
-Имам анксиозност поради сè што се случува, која многу ме изнемоштува. Буквално се будам во средината на ноќта со панични напади. Од каде да започнам? Сè е толку ужасно. Сметам дека на светот му е потребна многу љубов. Посакував да имав моќ да го испратам Купидон околу планетава. Кога се вклучувате на интернет и гледате како сите си разменуваат лоши зборови меѓу себе, тешко е да се остане позитивен. Уште потешко е да не бидеш изеден жив од целата негативност наоколу.
Ники Минаж
-Беа повеќе ќорсокаци еден после друг. Во еден момент се запрашав што ќе се случи ако јас едноставно не се разбудам. Така и се чувствував, дека можеби треба да посегнам по својот живот, изјави Ники Минаж за своите самоубиствени мисли
Лејди Гага
-Кога мојата кариера почна да се развива во нагорна насока, не бев во можност да се сетам буквално на ништо. Како да бев истрауматизирана и ми требаше доста време за да ја смирам мојата душа. Дефинитивно се грижам за својата благосостојба и отворено признавам дека се борам со анксиозност и депресија и мислам дека многу луѓе го прават истото. Мислам дека е подобро кога сите велат: „Наздравје“ и се придружуваат кон тоа, отворено објасни Лејди Гага.
Бијонсе
-Почна да станува сè нејасно, не бев во можност да кажам ни кој ден беше ниту во кој град се наоѓав. Седев на настани каде ми доделуваа награди, а јас само размислував за следниот настап. Мајка ми беше многу упорна и постојано ми велеше дека треба да се грижам за своето ментално здравје, изјави таа за Sun во 2011-та година
Винона Рајдер
-Не можете да платите доволно пари за да го излекувате чувството на збунетост и скршеност. Имате добри и лоши денови, но депресијата е нешто кое секогаш е со вас, раскажува Винона.