Мајката на Селена Гомез, Манди Тефи отворено прокоментира за проблематичната одлука нејзината ќерка да работи на нов филм со Вуди Ален и покрај наводите за сексуално малтретирање врз неколку актерки.
Во текот на изминатиот викенд, ѕвездите Тимоте Чалемет и Ребека Хол кои се согласиле да работат со Вуди Ален на неговиот најнов филм A Rainy Day in New York заедно со Селена Гомез јавно се извинија и ветија дека ќе ги донираат своите приходи за кампањата Time's Up. Овој потег беше реакција на шпекулациите дека Ален во 1992 година ја злоставувал својата седум годишна ќерка Дилан Фароу, кои тој ги демантираше.
Обожавателите на нејзиниот Instagram профил решија да ја прашаат зошто не зборува околу тоа, а откако еден од нив побара од нејзината мајка да ја натера Гомез да се извини за соработката со Ален се огласи и таа.
Тефи откри дека ја советувала својата ќерка да не го прави тоа, но очигледно таа не ја послушала.
-За жал, никој не може да влијае Селена да направи нешто што не сака. Имав долг разговор со неа за да не соработува со него, но неуспешен. Нејзиниот тим е составен од одлични луѓе. Никој не може да ја контролира неа. Таа ги донесува сите свои одлуки. Не е важно колку ја советувате. Сè оди низ глуви уши, пиша таа во коментарот на Instagram.
Ова доаѓа после насловите дека мајката на Селена не е среќна што нејзината ќерка повторно се гледа со Џастин Бибер, што очигледно бил непсорен факт за нивна караница по која следеше меѓусебно бришење на социјалните мрежи.
И покрај нејзината нова сомнителна филмска улога, Селена Гомез ја изрази својата поддршка за Time's Up со објавување на фотографија на нејзиниот Instagram профил. Сепак дел од оние кои ја следат на социјалната мрежа сметаат дека нејзината поддршка е лицемерна после соработката со Вуди Ален.