Познатата пејачка Шерил Кол се појави на хуманитарна гала вечер во долга црна тоалета од сатен, но она што ги привлече љубопитните погледи кон неа беше огромниот дијамантски прстен на нејзината лева рака.
Тоа ја врати повторно во центарот на вниманието и ги разгори гласините за нејзината наводна веридба со Лиам Пејн од групата One Direction.
Лиам е десет години помлад од неа, а заедно се повеќе од две години. На почетокот од 2017 година, парот го доби своето прво дете, по што се појавија прашањата дали тие веќе тајно се венчале и дали имало веридба.
Обожавателите на Шерил веднаш започнаа со сугестии на своите Twitter профили дека со ова познатата пејачка конечно откри дека е верена за Лиам, но дел од нив посочија и можност дека тоа можеби е само дел од огромно парче накит кое се носи на три прста.
