Најдобрите пријателки на филмското платно, ја „пукнаа тиквата“ во реалниот живот.
Нетрпението помеѓу Ким Катрал и Сара Џесика Паркер, кои со години глумеа една до друга во „Сексот и градот“ ја доби својата кулминација. По ненадејната смрт на братот на Катрал, Паркер и упати порака со сочувство во која вели: Драга Ким, љубови и сочувство до тебе и твоите, мир на твојот брат.
Ваквата реакција ја извади од кожа Катрал која веднаш се огласи на Instagram.
-Мајка ми денес ме запраша: Кога лицемерната Сара Џесика Паркер ќе те остави на мира? Твоето постојно појавување е болен потсетник на тоа колку си сурова и тогаш и сега. Да ти разјаснам (ако не ти е јасно). Ти не си ми семејство. Ти не си ми пријателка. Затоа за последен пат ти пишувам да престанеш да ја експлоатираш нашата трагедија со цел да си го обновиш имиџот на „добра девојка“.
Иако со години се веруваше дека девојките се добри пријателки како на снимањата, така и надвор од нив, Катрал ја фрли во вода целата приказна велејќи дека сето тоа е само глума од Паркер и дека во суштина тие никогаш не биле блиски.