Кејт Аптон, Ума Турман и Селма Хаек се само дел од жените во Холивуд кои биле жртви на злоупотреба, а нивните приказни ги раскажале долги години подоцна.
За да даде објаснување зошто токму сега одлучила да го каже тврдењето дека
ко-основачот на Guess сексуално ја вознемирувал, Аптон се појави во Good Morning America.
Домаќинот Робин Робертс побара од супермоделот да и помогне на јавноста да ги открие одговорите на прашањата кои ја мачат. Тој ја праша зошто баш сега одлучила да го каже тоа и зошто не го кажала тоа во моментот кога се случило истото?
-Па, знаете...Бидејќи тоа беше сосема поинаков свет тогаш, кога се случи тоа. Имав само осумнаесет години. И сите околу мене ми велеа.. Па не ми велеа, но ме оттргнуваа од тоа да ја раскажам својата приказна. Подобро е работите да ги чувате во мрак или едноставно само да се тргнете на страна затоа што сите зависат од тоа дали ќе се појавиш на сетот. Сите се исплаќаат ако јас се појавам на него. Значи во тој случај, притисната сум ако не се појавам, без оглед на случувањата околу мене. И тие раскажуваат примери на жени на кои им е во ред ова нешто и навистина имаат успешни кариери, раскажа познатиот модел
За разлика од неа, Турман раскажа дека и биле потребни дури 47 години да престане да мисли дека злобните луѓе биле вљубени во неа поради тоа што сметала дека помеѓу љубовта и суровоста постои некој облик на поврзаност.
-Многу време ми беше потребно за тоа бидејќи мислам дека како мали девојчиња сме условени да веруваме дека помеѓу суровоста и љубовта постои врска. И тој период е еден вид на ера во која ние треба да се развиеме, објасни таа.
Вината која смета дека ја има жртвата е онаа која ги тера тие да молчат долго време или како Аптон што објасни „Платите на луѓето зависат од нивната подготвеност да молчат“.
Сепак, на крајот не е важно во кој момент приказната е раскажана, туку што таа претставува. Секоја раскажана приказна е солиден чекор напред од минато во кое владее сексуалното вознемирување и злоупотребата.