Во сите нејзини години поминати како актерка и режисерка, најгламурозната ѕвезда на планетата, Анџелина Џоли ниеднаш не се појави на модна ревија.
Нејзиното прво искуство да се најде во првите редови на ревија, реши да биде за време на посетата на засолништето за бегалци во Најроби, Кенија.
-Немам претходно присуствувано на моден настан, потврди актерката
Специјалниот претставник на Високиот комесаријат за бегалци на ОН откри дека на модната ревија како модели се појавиле најубавите девојки кои преживеале ситуации со високо исправени глави, а носеле свои дизајни кои ја претставувале нивната култура. Тие покажале како е можно повторно да биде пронајдена женственоста откако биле брутално нападнати.
Засолништето кое холивудската актерка го посетила било под раководство на RefuSHE, невладина организација која се обидува да ги пополни клучните празнини во грижата за девојките и младите жени на возраст од 13 до 23 години кои биле принудени да избегаат од своите земји.
-Сите девојки кои ги сретнав беа одвоени од нивните семејства или сведоци на смртта на членовите од нивните семејства. Речиси сите претрпеле сексуално насилство, а многу од нив родиле откако биле силувани. Девојките ја претставија својата култура и вештини на многу импресивен начин. Има доста талент во популацијата на бегалци кој оди во отпад бидејќи им е оневозможено да работат. Никој не сака да биде бегалец или да живее од помош. Тие сакаат да изградат достоинствен живот како секој од нас. Се надевам дека ова е само почеток, изјави Џоли