Вељко Ражнатовиќ стана популарен за медиумите по тоа што е син на Цеца и Жељко Ражнатовиќ. Сега работите се променети. Тој е одлучен својата кариера да ја гради во светот на боксот и тоа прилично добро му оди.
По нокаутирањето на бугаринот Крастја Јорданов, тој даде и своја изјава за медиумите во која кажа дека му е драго што сега не е гледан само како син на неговите познати родители.
-Секако дека ми е драго што сега ме нарекуваат како „Нашиот боксер Вељко Ражнатовиќ“. Отсекогаш сакав сам да го направам моето име познато во нешто, во овој случај во боксот и мило ми е поради тоа, изјави Вељко и раскажа дека секогаш сакал да се занимава со ова, но мајка му му била препрека.
-Отсекогаш сакав да се занимавам со бокс, но имав проблем за тоа да се договорам со мајка ми. Но, сега кога завршив факултет решив професионално да се занимавам со овој спорт, додаде тој за Kurir.