Веста за разводот на Емина Јаховиќ и Мустафа Сандал предизвика голем интерес како кај балканските, така и кај турските медиуми.
И додека сите шпекулираат околу тоа што точно се случило, Емина по втор пат го искористи својот Instagram профил за да се огласи околу целата ситуација.
-Драги мои сакани, сите мои фанови и сите вие кои ме поддржувате во овие тешки моменти, сакам да ви кажам дека сите шпекулации околу моето заминување во Нови Пазар и животот таму не се точни и не се вистинити. Својот живот како и порано, ќе го продолжам во Истанбул поради школувањето на моите деца и поради животот на кој навикнав, а во Белград и Нови Пазар ќе одам само поради приватни и деловни причини, раскажува пејачката.
-За жал, не можам да ги сопрам сите шпекулации, сите лаги за мене, сè што ги полни и продава весниците, сè што се однесува на нашиот живот. Ние гледаме поради нашите деца сè да помине во најдобар ред и сè ќе биде како порано. Во оваа прилика сакам да ве поздравам, да ви кажам дека Bе сакам и да ви најавам дека за брзо време ќе бидат промовирани уште два сингла кои ќе бидат продолжение на албумот. Ве сакам!, додава таа.
Првиот пат кога Јаховиќ го искористи Instagram за да зборува за разводот беше во суштина моментот кога ја потврди веста дека таа и Мустафа по 10 години брак се разделуваат.