Парис Хилтон за малку ќе доживееше трагедија кога за време на едно нејзино излегување го загуби нејзиниот свршенички прстен кој вреди скоро 2 милиона долари.
Хилтон се забавувала и танцувала цела вечер во еден клуб во Мајами, но откако забележала дека огромниот дијамантски прстен го нема на нејзината рака започнала да паничи и хистерично да плаче.
Иако дијамантот на прстенот кој го доби од нејзиниот свршеник Крис Зилка навистина е џиновски, просторот во кој таа го загубила бил исполнет со многу луѓе и мрачен, па потрагата по него била значително отежната.
Имало исцрпно пребарување на ВИП просторот кое го предводел потполно смирениот Крис заедно со армијата обезбедување на неговата вознемирена свршеничка која вознемирено и нервозно чекала облеана во солзи.
-Таа навистина беше во паника бидејќи местото беше преполно и темно, а потрагата во раните утрински часови. Тоа беше лудо. Сите го бараа лазејќи по подот, под масите, стапалата на другите луѓе и седиштата. Прстенот мистериозно го пронајдоа во кофа полна со мраз две маси до нејзината, изјави извор кој се нашол наместото на настанот.
Парис не престанала да плаче ни кога прстенот повторно бил ставен на нејзината рака, а во врска со настанот не објави ништо на социјалните мрежи.