Да се биде на насловната на престижниот Вог магазин е сон на секоја манекенка. Сепак, преработката на фотографиите во Photoshop понекогаш оди до тој степен, што девојките воопшто не личат на себе си.
Тоа и се случи и на Џиџи Хадид, која деновиве се пофали со нејзината насловна за Вог Италија, на која е со потемна кожа за неколку нијанси и изгледа сосема непрепознатливо.
Насловната страна предизвика огромна лавина на критики, па манекенката почувствува потреба да ја објасни својата инволвираност во целата ситуација.
-Ве молам да разберете дека мојата контрола на фотосесијата во однос на креативна насока, воопшто не постои. Сè завршува кога заминувам од сетот и сè што се прави на фотографиите е вон моја контрола.
Потемнувањето е стил на S.Klein и се прави со години и верувам дека тоа беше она што се очекуваше од фотосесијата. Сепак, иако разбирам кои беа намерите на Вог Италија, тие не беа спроведени на коректен начин и грижата која што ја имате е оправдана.
Сакам да им се обратам на сите оние кои се навредени од едитирањето/менувањето/ бојадисувањето на насловната. Знајте дека ако мојата контрола врз сето ова беше поинаква и нештата ќе беа поинакви, напиша Хадид.