Ноќта на вештерките ја разбуди креативноста на познатите. Кај некого повеќе, кај некого помалку. Во секој случај имавме можност да видиме низа на интересни костими и комбинации.
Кралицата на трансформациите, Хајди Клум, и оваа година не потфрли во изборот на својата маска. Германскиот супермодел, на своите обожаватели на Инстаграм, чекор по чекор, им го покажа целиот процес на трансформација на нејзиното лице во она на Фиона. Хајди сподели и дел од подготовката на нејзиното момче во ликот на Шрек. Сосема очекувано, маските изгледаа совршено, па таа повторно ја имаше најдобрата маска за Ноќта на вештерките.
Сестрите Кардашијан се претворија во Ангелите на Victoria’s Secret. Тоа се разбира значеше многу голи облини, минимална долна облека и препознатливи крилја.
Емили Ратајковски овој пат шармираше како Ракел Велч, додека поранешната членка на Spice Girls, Мел Би реши да ја провоцира Викторија Бекам, со која во последно време не се во најдобри односи поради тоа што Викторија не сака да оди на турнеја со бендот.