Бразилскиот супермодел, Адријана Лима, ја имаше својата последна модна ревија за Victoria's Secret по 18 години заедничко дружење.
Видно возбудена, 37 годишната манекенка не можеше да ги задржи солзите додека чекореше по пистата.
Веста за пензионирањето на Адријана за прв пат одекна во вторникот, откако нејзината колешка Џорџија Фовлер случајно ја откри информацијата, по што Лима ги потврди гласините на нејзиниот Instagram профил.
-Драга Викторија, фала ти што ми го покажа светот, што ми ги сподели тајните и најважно од сè што не ми даде само крила, туку ме научи да летам. Цела љубов кон најдобрите фанови на светот. Ве сака, Адриана.
Лима за прв пат зачекори на модното шоу на Victoria's Secret во 2000-та и беше еден од најпознатите Ангели на брендот.