Раперот Крис Браун е уапсен во Париз по сомневање дека извршил силување. Полицијата го привела Браун (29) откако 24-годишна жена го обвинила дека ја силувал во неговата хотелска соба во Les Champs-Elysees вечерта помеѓу 15-ти и 16-ти јануари.
Девојката, чиј идентитет сè уште е непознат, го запознала раперот во Le Crystal клубот што се наоѓа во близина на хотелот. Според нејзината изјава таа и неколку пријателки биле поканети од раперот и уште двајца други мажи, во неговата соба. Но, набрзо потоа таа останала сама со Браун.
За сега е познато дека освен раперот, биле приведени и споменатите мажи. Тие не дале отпор при апсењето и во моментот се со своите адвокати.
Браун најдобро и е познат на јавноста по инцидентот со Ријана, кога во 2009-та додека беа во врска, брутално ја претепа.
